أسئلة شائعة

اكثر الاسئلة الشائعة

اكثر الاسئلة الشائعة في شركة وجود ومنتج الاعلان الذكي

منو شركة وجود وشنو الاعلان الذكي ؟

شركة وجود هي شركة عراقية تم تأسيسها عام 2022 ومسجلة رسميا في مسجل الشركات ونتميز عن باقي شركات الدعاية والاعلان باكبر شبكة اجهزة ذكية موزعة في اكثر وافخم المطاعم العراقية ذات الزخم والزيارات العالية.

ليش الإعلان يمكم افضل من الشاشات الخارجية ؟

بعد دراسة مطولة لكينا انه مشاهدات اللوحات والشاشات الي منتشره في شوارعنا قليلة جدا والسبب بكل بساطة ان الزبون المستهدف يكون داخل سيارته ومراح يكون منتبه على هذه الاعلانات .. اما اجهزتنا فموجودة امام الزبون بشكل مباشر وهو كاعد مسترخي في مطعم يعني اهتمامه رح يكون اكثر .. وايضا الجهاز يوفر اله شحن لجواله وهذا رح ينطي اهمية اكبر لاعلانك.

وين موجودين حاليا شنو المواقع الي عندكم ؟
حاليا موجودين باكثر من 40 مطعم درجة اولى في بغداد وايضا عدنا شراكة ويه شركة ميراكي المسؤولة على توزيع الاجهزة في جميع محافظات الاقليم .. يعني بكل بساطة ممكن اعلانك يكون موجود في بغداد ومحافضات الاقليم كلها... ايضا ( اضغط هنا ) ورح تشوف كل مواقعنا وتفاصيلها.
شلون اختار موقع الإعلان الي اريد اعلن بيها ؟

كل المطاعم الي اختاريناهم وخلينا الاجهزة بيها هي مطاعم درجة اولى وعندها زيارات كلش عالية بكل ساعات اليوم .. ومع ذلك تكدر تختار مجموعة مطاعم معينة ورح نكلك كل مطعم كم جهاز بي حتى ننزل اعلانك بيه.

شلون احدد ميزانية للاعلان يمكم ؟

بكل بساطة انت رح تختار مجموعة مطاعم ( لنفرض اختاريت 3 مطاعم ) ورح نكلك كل مطعم كم جهاز بيه ( لنفرض كل مطعم 45 جهاز موزعة على 45 طاولة ) معناه 3*45=135 هذه عدد الطاولات الي رح ينزل اعلانك بيها يضرب هذا الرقم مبلغ الاعلان شهريا وهذه هي ميزانية اعلانك الشهري.

شكد سعر ومدة الإعلان وشنو تفاصيله ؟

سعر الاعلان للصورة هو 15$ للشهر الواحد على الجهاز الواحد وللفيديو 25$ للشهر الواحد على الجهاز الواحد وطبعا كل جهاز موجود على طاولة بداخل مطعم واذا تريد تعرف تفاصيل اكثر ( اضغط هنا ) وشوف التفاصيل.

كم مرة يطلع الإعلان بالشهر بكل جهاز ؟

كل جهاز يستوعب 10 اعلانات كحد اقصى وهذا الشي تم تحديده بعد دراسة مطولة للموضوع وملخص الدراسة انه ما ردنا الاعلانات تكون اكثر من هذا الرقم حتى يتكرر اعلانك لاكثر فترة ممكنة .. فبأختصار كل اعلان يظهر لمدة 6 ثواني بمعنى اخر اعلانك رح يظهر كل دقيقة بالقليل.

شنو الي يضمن اعلاني مستمر بالعرض ؟

عدنا فريق عمليات جبار ومتمكن يسوي زيارات يومية على مواقع اجهزتنا ومهمته يشوف الاجهزة شغالة تمام ومشحونة ومابيها اي مشاكل ويرسل النا تقرير باستمرار وبدورنا رح نرسله لكل المعلنين الي ويانا بشكل دوري.

منو ارخص انتوا لو الشاشات وشنو المميز عندكم ؟

الاعلانات اللوحية او الشاشات الموجودة في الشوارع خاصة في الامكان الجيدة نوعا ما يوصل سعر الاعلان بيها اكثر من 10,000 دولار اما اذا اعلنت يمنا واختاريت 20 مطعم درجة اولى بيها زيارات تصل للالاف يوميا مراح توصل الميزانية الى 5000 دولار مع ضمان مشاهدات كلش عالية مقارنة بباقي طرق الاعلانات

وين موقع شركتكم اذا اريد ازوركم ؟
موجودين في العرصات بفرع ماكسي مول لكن اذا تحب قبلها تكدر تتواصل ويانا بشكل مباشر وتستفسر على اي شي قبل ما تزورنا عن طريق ( الرابط هذا اضغط هنا )