أسئلة شائعة
اكثر الاسئلة الشائعة
اكثر الاسئلة الشائعة في شركة وجود ومنتج الاعلان الذكي
شركة وجود هي شركة عراقية تم تأسيسها عام 2022 ومسجلة رسميا في مسجل الشركات ونتميز عن باقي شركات الدعاية والاعلان باكبر شبكة اجهزة ذكية موزعة في اكثر وافخم المطاعم العراقية ذات الزخم والزيارات العالية.
بعد دراسة مطولة لكينا انه مشاهدات اللوحات والشاشات الي منتشره في شوارعنا قليلة جدا والسبب بكل بساطة ان الزبون المستهدف يكون داخل سيارته ومراح يكون منتبه على هذه الاعلانات .. اما اجهزتنا فموجودة امام الزبون بشكل مباشر وهو كاعد مسترخي في مطعم يعني اهتمامه رح يكون اكثر .. وايضا الجهاز يوفر اله شحن لجواله وهذا رح ينطي اهمية اكبر لاعلانك.
كل المطاعم الي اختاريناهم وخلينا الاجهزة بيها هي مطاعم درجة اولى وعندها زيارات كلش عالية بكل ساعات اليوم .. ومع ذلك تكدر تختار مجموعة مطاعم معينة ورح نكلك كل مطعم كم جهاز بي حتى ننزل اعلانك بيه.
بكل بساطة انت رح تختار مجموعة مطاعم ( لنفرض اختاريت 3 مطاعم ) ورح نكلك كل مطعم كم جهاز بيه ( لنفرض كل مطعم 45 جهاز موزعة على 45 طاولة ) معناه 3*45=135 هذه عدد الطاولات الي رح ينزل اعلانك بيها يضرب هذا الرقم مبلغ الاعلان شهريا وهذه هي ميزانية اعلانك الشهري.
سعر الاعلان للصورة هو 15$ للشهر الواحد على الجهاز الواحد وللفيديو 25$ للشهر الواحد على الجهاز الواحد وطبعا كل جهاز موجود على طاولة بداخل مطعم واذا تريد تعرف تفاصيل اكثر ( اضغط هنا ) وشوف التفاصيل.
كل جهاز يستوعب 10 اعلانات كحد اقصى وهذا الشي تم تحديده بعد دراسة مطولة للموضوع وملخص الدراسة انه ما ردنا الاعلانات تكون اكثر من هذا الرقم حتى يتكرر اعلانك لاكثر فترة ممكنة .. فبأختصار كل اعلان يظهر لمدة 6 ثواني بمعنى اخر اعلانك رح يظهر كل دقيقة بالقليل.
عدنا فريق عمليات جبار ومتمكن يسوي زيارات يومية على مواقع اجهزتنا ومهمته يشوف الاجهزة شغالة تمام ومشحونة ومابيها اي مشاكل ويرسل النا تقرير باستمرار وبدورنا رح نرسله لكل المعلنين الي ويانا بشكل دوري.
الاعلانات اللوحية او الشاشات الموجودة في الشوارع خاصة في الامكان الجيدة نوعا ما يوصل سعر الاعلان بيها اكثر من 10,000 دولار اما اذا اعلنت يمنا واختاريت 20 مطعم درجة اولى بيها زيارات تصل للالاف يوميا مراح توصل الميزانية الى 5000 دولار مع ضمان مشاهدات كلش عالية مقارنة بباقي طرق الاعلانات